Оҕо көмүскэлин күнүн көрсө тэрээһиннэр.. БАСТАКЫ КҮН
Ыам ыйын 27 кунугэр, Арыылаах бибилэтиэкэтин иЬинэн О5о кемускэлин кунун керсе тэрээьиннэр са5аланнылар . Ол курдук бугун дьикти сэргэх тэрээҺин буолла. Бибилэтиэкэ иһигэр “Пицца-Мастерская” аһыллан үлэлээтэ. Ыҥырыылаах ыалдьыттарбыт кэлэн итии дойду Италия фирмэннэй бүлүүдэтин астыырга холонон көрдүлэр. Алта саастарыттан саҕалаан Сэттис кылаас оҕолоро үус хамаандаҕа арахсан астаатылар. Манна даҕатан эттэххэ, сатахха диэбит курдук уоппут арахсан хаалан, бэйэтэ биир долгутуулаах түгэн буолла. Италияҕа пицца буһарар киһи пиццайоло диэн ааттанар эбит. Бүгүҥҥү тэрээһиҥҥэ мастер- пиццайоло буолла Алена Иванова – бэртээхэй асчыт, элбэх оҕолоох эдэр ийэ. Бастаан пицца хайдах астанарын сиһилии кэпсээн көрдөрөн биэрбитин кытта оҕолор ;лэлиир миэстэлэрин була охсон астаабытынан бардылар. Бу сырыыга хобордооххо буһарыллар түргэн пицц астанна. Хамаандаларга үс төрөппүт , Светлана Валерьевна, Варвара Валентиновна, Саргылана Валентиновна күүс -көмө буоллуллар. Хас биирдии хамаанда иккилии пиццаны хобордооххо буһара охсон ыллылар. Биир хамаанда өссө пицца оҕотун буһаран үөрүү-көтүү буоллулар. Түмүгэр саамай күүтүүлээҕэ , бэйэ оҥорбут аһын дегустациялааһын буолла.
Остуол тула олорон, кэпсэтэ-кэпсэтэ пиццаларын “минньигэһиин” дии дии сиэн, үөрэн көтөн тарҕастылар.
Оҕолорбут барахсаттары үөрдэн, күүс көмө буолбут төрөппүттэрбитигэ Махталбытын тиэрдэбит.
Оҕо көмүскэлин күнүн көрсө тэрээһиннэр… ҮҺҮС КҮН
Ыам ыйын 30 күнүгэр “KIDSКВЕСТ” оонньуу буолла. Тиэмэтэ “Төрөөбүт дойдугун төһө билэҕин?” Оонньуубут маршрута 4 пууннаах. Бастакы пуун А – сквер оҕолору кэтэстэ төрөппүт Варвара Тихонова, иккис пуун Б – музей Артем Тихонов, үһүс пуун В – оскуола Саргылана Иванова. Кэлбит хамаандаҕа анал ыйытыктары биэрэн, сөп эппиэт ылан баран салҕыы барар таайтарыылаах сурук бичик туттарараллар. Ол суругу –бичиги таайан оҕолор салҕыы бараллар.. 4 пуун Г – бибилэтиэкэ. Оҕолор 3 хамаандаҕа арахсан нэһилиэк картатынан сирдэтэн 4 пууну эргийэ охсон бастакы “Доҕор”- хамаанда 20 мүн., “Алгыс” -иккис хамаанда 22 мүн., “Стич”-үһүс хамаанда 25 мүн. тиийэн кэллилэр. Көрүдьүөс да түгэннэр тахсан ыллылар… сөптөөх эппиэт көрдөөн оскуолаттан- сквергэ, музейтан – оскуолаҕа сүүрэккэлээһин да буолбут.. түмүгэр бары эппиэттэри сөпкө эппиэттээн, үөрэн-көтөн бибилэтиэкэҕэ тиийэн кэллилэр.
ОҔО СААС, ДЬОЛЛООХ ОҔО СААС….
Арыылаах нэЬилиэгэр, бэс ыйын 1 күнүгэр аан дойдутааҕы оҕо көмүскэлин күнүгэр бибилэтиэкэ, ыччат лидерэ уонна администрация коллектива оҕолорбутугар “Оҕо саас, оҕо саас” диэн тэрээһин ыыттыбыт.
Оҕолор таптаан “Төгүрүк алаас” диэн (Кулукуой өтөҕө) ааттыыр сирдэригэр 11 чаастан оҔо аймах мустан ырыаны-тойугу оройуттан, оонньууну- көрө көҕүлүттэн туттулар.
Бу иннинэ оҕолорбутугар анаан бибилэтиэкэ иһинэн араас аралдьыйар тэрээһиннэр буолбуттара.
Бастакы күн “Пицца — Мастерская” үлэлэбитэ. Пиццайоло Алена Иванова маастар кылаас көрдөрбүтэ. Оҕолор үөрэнэ охсон тута, хобордооххо буһар пиццаны астаан, дегустациялаан үөрэн-көтөн тарҕаспыттара.
Иккис күн ЭКОДЕСАНТ –“Территория детства”- оҕолор сөбүлээн сылдьар, оонньуур сирдэринэн сылдьан бөх хомуйдулар, олохтоохторго “Айылҕабытын харыстыаҕыҥ” диэн листовканы? түҥэттилэр.
Үһүс күн. “Төрөөбүт дойдугун төһө билэҕин?”КВЕСТ-оонньууга үс хамаандаҕа арахсан кытыннылар.
Хас оонньуу аайытын кыттыбыт оҕолорго жетон туттарылыбыта. 3 жетоннаах -1 миэстэ, 2 жетоннаах – 2 миэстэ, 1 жетоннаах – 3 миэстэ . Миэстэлэринэн, бу күн, грамота уонна минньигэс бириис туттарылынна.
Ыллыыр-туойар саас” – оҕолорбут күүстэринэн кэнсиэрт буолла. Бүгүҥҥү күҥҥэ үгүс оҕо ырыа үҥкүү кэһиилээх кэлбиттэр.
Кэнсиэрт кэннэ араас көрдөөх оонньуулар, эстафеталар буоллулар. Бириистэрэ минньигэс ас. Түмүгэр элбэх оонньууга кыттыбыт оҕо Эһээ оҕонньор кэһиититтэн итэҕэһэ суох бириистээх буолла.